شنوّة تعمل في حياتك ؟ سألوكمشي نهار شنوّة اللّي ماعملتوش في حياتك ؟ شنيّة القراية اللّي تمنّيت تقراها وما قريتهاش ؟ شنيّة الخدمة اللّي تمنّيت تخدمها وما خدمتهاش ؟ شنوّة السّپور اللّي تمنّيت راك ترانيتو في الصّغرة ؟ شكون الإنسان اللّي حبّيتو وما حبّكش ؟ شنيّة الرّيحة اللّي ترجّعك غشّير عمرو أربعة سنين ؟ شنوّة يخوّفك ؟ شنوّة اللّحن اللي كي تسمعو تخرج من سينتك ؟

شنيّة الغناية اللي تحسّها تحكي عليك ؟ شنوّة السرّ اللّي تحشم بيه وقعد مخبّي في وسطك ؟ كيفاش عاودت قمت بعد آخر تكسيرة تفتفتت فيها روحك ؟ آناهو أكثر كتاب أثّر فيك ؟ قدّاش من مرّة حسّيت فيها روحك وحدك وانت مابين العباد ؟ شنوّة تعنيلك الحريّة وهل أنّو لحمك يتقشعر كي تسمع السولاميّة ؟ شنوّة الفيلم اللّي حكيت فيه من جواجيك ؟

شكونو حبّك الأوّل ؟ أحكيلي عليه ، على خزرتو ولون عينيه ؟