باش نفعل ، باش نجرّب ، باش نسعى ، باش نبدّل حاجات في روحي ، باش نبني ، باش نواجه ، باش نخلق الفرص ، باش نصقل موهبتي في عوض ماني قاعدة نقتل فيها . باش نخدم مع الصّغار والكبار على نصوص وارتجال ونخرّج الصّيحة اللّي عندهم الداخل وغامّينها ، والغصّة والهبلة والتّخبيلة والتشكبينة لازمها تولّي إبداع وأحلام وجمال وشطيح ودموع وشكوك وتراك وطياح ونجاح وطيرة ، آما خدمتي الأوّلة باش تكون قبولي آنا لروحي كيما هي، أنّي نعيش معاها باهتزازاتها وانكساراتها وعقدها وصحيحها وغالطها ويمينها ويسارها ونورها وظلامها ونسيّبها على طلڤ ذراعها من غير لا يحكم لا عليها ، لا فيها حدّ ، بعيدا عن ديكتاتوريّة الصّورة وديكتاتوريّة الموضة والجمال المزيّف وديكتاتوريّة الجهل والدّهماء.

باش نكون كيما نحبّ آنا نكون ،  » وسأبقى حيث الرّقص والغناء ، لأنّ الأشرار لا يرقصون ولا يغنّون